30 يوم، وبتتعلّم كيف توازن يومك ومشاعرك وداخلك بخطوات بسيطة
كورس جماعي عملي من 8 محاضرات مباشرة. كل محاضرة بتطلع منها بأداة وحدة بتجرّبها بنفس اليوم، مش معلومات بتسمعها وبتنساها.
سجّل مكانكالدفعة الأولى بتبدأ يوم 25 تشرين الأول، و30 مقعد فقط.
ست مجالات من حياتك، وكيف بتتوازن مع الوقت.
بتعرف إنك محتاج تهدّي، بس ما بتعرف شو تعمل بالموقف نفسه
- بعرف إني عم فكّر زيادة، بس ما بعرف كيف أوقف.
- بقول «نعم» وأنا بدي أقول «لأ».
- بتحمّل وبسكت، وبعدين بنفجر على شي صغير.
- يومي مزحوم، وبآخره ما حاسس إني عشت.
المعرفة غالباً موجودة عندك. اللي ناقص أداة بتطبّقها بلحظة الموقف، وروتين صغير بيخلّيها عادة. هيدا اللي بنبنيه بهالكورس.
عالإنستغرام بتسمع الفكرة. هون بتطبّقها.
كل محاضرة فيها شرح قصير، وبعدها تمرين بنعمله سوا. وبعد المحاضرة مهمة يومية 10 دقايق، ومساحة بالـWorkbook لتراجع أسبوعك وتشوف شو تغيّر.
لمين هالكورس
مناسب إذا:
- مبتدئ وبدك طريقة واضحة تبدأ فيها.
- بتفكّر كتير أو بتتوتّر وبدك أدوات تمشّي فيها يومك.
- بتلاقي صعوبة بتسمية شعورك أو بقول «لأ» بهدوء.
- بتفضّل تطبّق على ما تقرا نظريات طويلة.
مش مناسب إذا:
- عندك حالة نفسية مشخّصة وبدك علاج.
- بتمرّ بأزمة صعبة كتير هلأ. المختص هو الجهة المناسبة.
- بدك نقاش نظري عميق بالمفاهيم.
شو رح يصير خلال 30 يوم
4 أسابيع، ومحاضرتين بالأسبوع. التفاصيل والأدوات بتنكشف جوّا الكورس.
الأسبوع الأول: يومك
بتفهم وين أنت اليوم، وبتبدأ ترتّب يومك بشكل أخف وأوضح.
الأسبوع الثاني: مشاعرك
بتصير أقرب لمشاعرك، وبتتعلم تتعامل معها بدل ما تكبتها أو تفلت منك.
الأسبوع الثالث: ردود فعلك
بتلاحظ حالك وقت الموقف، وبتصير تختار ردّك بدل ما يكون تلقائي.
الأسبوع الرابع: داخلك
بتبني علاقة أهدى مع نفسك، وبتطلع بنظام بسيط بيكمّل معك بعد الـ30 يوم.
شو بتاخد بالكورس
سعر الدفعة الأولى
30 مقعد فقط
الدفعة الأولى بتبدأ يوم 25 تشرين الأول، والتسجيل مفتوح لحد ما تكتمل المقاعد.
بتضغط الزر وبتفتح محادثة واتساب معي، وبتوصلك طرق الدفع، وبعد الدفع رابط الدخول للمجموعة.
أسئلة بتتكرر
إذا ما قدرت أحضر المحاضرة مباشرة؟
كل محاضرة بتنسجّل وبتوصلك بالمجموعة، فبتقدر تتابعها بوقتك.
بحتاج خبرة أو معرفة مسبقة؟
لأ. الكورس مبني للمبتدئين، وكل أداة بتنشرح من الصفر.
قديش بدي وقت باليوم؟
حوالي 10 دقايق للمهمة اليومية، إضافة لمحاضرتين بالأسبوع.
هل هو علاج نفسي؟
لأ. هو كورس تعليمي وتدريبي بيعلّمك أدوات لترتيب يومك ومشاعرك. إذا عندك حالة مشخّصة أو بتمرّ بوقت صعب كتير، المختص هو الجهة المناسبة.
شو بيصير بمجموعة Telegram؟
مساحة لمشاركة تمارينك والمتابعة اليومية. الأسئلة العامة بتنجاوب بالمجموعة، وما فيها جلسات فردية.
كيف بسجّل وكيف بدفع؟
بتضغط «سجّل عبر واتساب» وبتبعتلي الرسالة الجاهزة. برد عليك بطرق الدفع، وبعد الدفع بتاخد رابط الدخول للمجموعة.
ابدأ بخطوة صغيرة، وكمّل معنا 30 يوم
الدفعة الأولى 30 مقعد فقط، وبتبدأ يوم 25 تشرين الأول.
سجّل عبر واتسابهذا الكورس تعليمي وتدريبي، وليس علاجاً نفسياً أو طبياً، وليس بديلاً عن استشارة مختص.
